Enseignement secondaire général (cycle supérieur)

De Lycée Technique pour Professions éducatives et sociales (LTPES) ass deen eenzege Lycée zu Lëtzebuerg, deen d'Sektioun "Formation de l'éducateur/trice" (GED) am "plein temps" ubitt.

D'Sektioun GED bereet d'Schüler*innen esouwuel op een tertiärt Studium ewéi och op déi berufflech Qualifikatioun als Erzéier*in vir. An alle Schouljoeren si länger Stage als Deel vum Plan d'études virgesinn. D'Sektioun GED huet eng duebel Finalitéit, andeems si de Schüler*innen d'Méiglichkeet bitt, zwee Ofschlëss ze maachen:
- de Premièresdiplom, deen een nom erfollegräichen Ofschloss vum 1. Deel vun den Étude kritt (2GED an 1GED);
- den Diplôme d'État als Éducateur*trice nom erfollegräichen Ofschloss vum zweeten Deel vun der schoulescher Ausbildung, also der 1SGED (Ofschlossklass, déi aus engem allgeméngbildenden an engem differenzéierenden Deel besteet).

De*D' Schüler*in begëtt sech vun Ufank un an d'Logik an d'Dynamik vun enger Qualifikatioun am Edukativenen an am Sozialen. Déi formativ Ziler, déi sech op déi zwee Deeler vun der schoulescher Formatioun an op déi entspriechend Finalitéiten bezéien, sinn enk mateneen verbonnen.

D'Domaines de différenciation am Ofschlossjoer ("Terminale") sinn dës:

- D1: Pédagogie de l'animation sociale, éducative, sportive et culturelle;
- D2: Approches éducatives des processus de développement;
- D3: Planification, organisation et coordination au sein des équipes éducatives et sociales.
NOUVEAUTÉS (à partir de l'annéee scolaire 2023-24):
- D4 (= D1 bis): Pédagogie des activités socio-sportives;
- D5 (= D2 bis): Approches éducatives en faveur du développement linguistique de l’enfant.

De Studieprogramm (programme directeur) vun der GED-Sektioun am LTPES baséiert op 4 grousse Léierberäicher:
1. „Kulturen, Sozialisation, Kommunikation und Erziehung zum mündigen Bürger.
2. Erzieherische und soziale Intervention im Rahmen von Entwicklungs- und Bildungsprozessen.
3. Organisations- und Institutionsentwicklung.
4. Persönliche Entwicklung.“

Dëst erlaabt et, eng eegestänneg Berufsidentitéit ze entwëckelen mat villsäitege Kompetenzen a beruffsspezifischen Haltungen.

Beim DAP Éducation handelt et sech ëm eng dräijäreg Beruffsausbildung a Vollzäit. Si befähegt d'Schüler*innen sech déi néideg pädagogesch Fähigkeeten unzeeegnen, fir kënnen als Agent socio-pédagogique an deene meeschte Beräicher vun der Kanner- a Jugendbetreiung ze schaffen, wéi z. B. a Crèchen, Maisons Relaien oder Foyers scolairen.

D'Formatioun preparéiert d'Schüler*innen op d'Betreiung vu Puppelcher a Kanner. Si ginn ausgebilt fir Kanner aus ënnerschiddlechen Alterskategorien ze beobachten an hir Bedierfnesser ze erkennen. Ausserdeem léiere si, wéi een d’Kanner an hirer alldeeglecher Entwécklung begleede kann, fir e Raum ze kreéieren, an deem si fräi experimentéieren an sech entwéckele kënnen.

Wärend der Ausbildung mussen d'Schüler*inne fënnef Stagen vu jeeweils 6 Wochen am Beruffsfeld maachen.

An dëser Rubrik fannt Dir de Link op d'Grilles horaires, déi all Joer per Règlement grand-ducal festgeluecht ginn, esou wéi op d'Programmer an d'offiziell Schoulbicher.

D’Promotioun an de Klassen vum Enseignement secondaire berécksiichtegt d'Koeffiziente vun de verschiddene Fächer esou wéi gegebenenfalls d'Branches fondamentales, déi an de Grilles horaires ugi sinn.

Hei ass den entspriechende Link:
https://ssl.education.lu/eSchoolBooks/Web/ES

Hei fannt Dir Informatiounen zu de Klassen an hirer jeweilger*M Régent*e rsp. Gestionnaire*in (1SGED):

An dëser Rubrik fannt Dir kuerz Erklärungen zu deenen eenzelne Fächern op deene verschiddene Klassen.

Offer (auszugsweis):

• "Appui" a bal alle Schoulfächer
• Atelier Léierstrategien
• Tutorat Mémoire de stage fir 1SGED
• Tutorat zum wëssenschaftleche Schaffen
• Workshop Stage